Sot, në hapësirat e OEMVP u mirëprit sipërmarrësi dhe filantropi i njohur shqiptar i cili ka luajtur rol të rëndësishëm në afirmimin e bizneseve shqiptare në vend dhe diasporë z. Lazim Destani, pronar i Ecolog International.
Destani u prit nga Kryetari z. Nebi Hoxha, nënkryetari z. Salim Hasani, drejtori ekzekutiv, z. Drilon Iseni dhe stafi ekzekutiv i OEMVP. Në këtë takim u diskutua mbi bashkëpunimet e mundshme mes dy palëve duke pasur si qëllim të përbashkët avancimin dhe mbrojtjen e bizneseve vendore si dhe promovimin e tyre në vend dhe jashtë tij.
Oda Ekonomike e Maqedonisë Veri-Perëndimore si përkrahëse e zëshme e interesave të bizneseve dhe si odë e dëshmuar me përgjegjësi shoqërore është gjithmonë në mbështetje të sipërmarrësisë dhe filantoropisë së bizneseve të cilët ndihmojnë jo vetëm ekonominë vendore por edhe më gjërë.
