Kryeministri Edi Rama përmes një reagimi në rrjetin social ‘Facebook’ ka postuar një foto të Atit të Shenjtë i cili mban një qeleshe me shqiponjën e flamurit tonë.
Rama shkruan “Lamtumirë, At i Shenjtë, mik i madh e i paharrueshëm i Shqipërisë”.
Ndërkohë pak çaste më parë, në një takim me gratë dhe vajzat në Kavajë, Rama mbajti një minutë heshtje në nderim të Papa Franceskut.
Papa Françesku, i lindur si Jorge Mario Bergoglio në Buenos Aires të Argjentinës, ka vdekur më 21 prill në moshën 88-vjeçare.
“Të dashur vëllezër e motra, ju njoftojmë me pikëllim të thellë se Papa Françesku ka vdekur”, tha kardinali Kevin Farrell përmes një njoftimi në kanalin televiziv të Vatikanit.
“Në orën 7:34 mëngjesin e sotëm, peshkopi i Romës, Françesku, u kthye në shtëpinë e Atit”, tha ai.
Burimi: botasot.info
