Belgu është në qendër të botës, të paktën në merkato: pasi ka ‘tradhtuar’ Inter-in, duke flirtuar me Juventus-in, sulmuesi belg ende nuk e di me cilin ekip do të luajë në sezonin që sapo ka filluar.
Ende në pronësi të Chelsea-t, Lukaku po vazhdon të stërvitet me skuadrën rezervë, megjithëse ditët e fundit është folur për një rikthim të mundshëm në ekipin e parë.
Një zgjedhje që do t’i takonte Mauricio Pochettino-s edhe nëse trajneri argjentinas ia ka kaluar topin klubit në konferencë për shtyp.
Në fakt, ish-trajneri i Tottenham ka shpjeguar se zgjedhja për të mos përfshirë Lukakun në ekipin e parë nuk varej nga ai, por nga një marrëveshje e mëparshme mes klubit dhe lojtarit.
Një vendim që gjithashtu mund të ndryshojë në të ardhmen e afërt.
Trajneri argjentinas iu përgjigj kështu pyetjeve në lidhje me Lukaku-n dhe një rikthim të mundshëm të belgut në skuadër:
“Nëse ai e dëshiron dhe klubi gjen zgjidhjen, unë do ta di se diçka ka ndryshuar.
Çdo gjë mund të ndodhë”. Pochettino më pas përsëriti se kur mbërriti ai “trashëgoi një situatë që tashmë ishte vendosur: për momentin asgjë nuk ka ndryshuar”.
Kjo mund të ndodhë në ditët në vijim, veçanërisht nëse asnjë klub nuk do ta kërkojë belgun nga tani deri në fund të merkatos.
