Trajneri i Kombëtares së Francës, Didier Deschamps nesër do të zbardh listën e lojtarëve për Kupën e Botës ‘Katar 2022’ që nis më 20 nëntor.
‘Gjelat’ pa Pogban dhe Kante të lënduar, do të synojnë të mbrojnë titullin e fituar katër vite më parë në Rusi.
Lajmi i mirë për strategun francez është së mbrojtësi Raphael Varane pritet të jetë i gatshëm për Botërorin që nis pas pak ditësh në Katar.
Varane ishte lënduar me 24 tetor në ndeshjen Manchester United-Chelsea dhe ishte larguar nga fusha më lot duke rrezikuar Kupën e Botës ‘Katar 2022’.
Por, Varane siç raportojnë mediat franceze, është duke u shëruar më kohë dhe ai do të përfshihet në listën e Deschamps.
