Një ilaç i ri do të vijë në ndihmë kundër depresionit. Ky ka qenë fokusi i diskutimeve në Kongresin e Organizmit Kombëtar psikiatrik në Itali që është mbajtur në Genova.
Bëhet fjalë për një medikament i aprovuar nga Agjencia Italiane e ilaçeve në muajin Prill, që mund të ndikojë pozitivisht në trajtimin e depresionit.
Funksionon me shpejt se trajtimet e tjera, veçanërisht në format e renda ku haset rezistence ndaj mjekimeve apo ka patur tentative vetëvrasje me herët, shpjegojnë psikiatrit.
Është eksperimentuar fillimisht në 116 pacientë në 22 struktura spitalore të ndryshme, të cilët e kanë marrë në formën e një spray në hundë.
Rezultoi se 64% e pacientëve patën përmirësim të dukshëm, ndërsa në 40% pati pothuajse zhdukje të sëmundjes. Simptomat depressive largohen dhe pacienti ka ndikim që në 24 orët e para të trajtimit, ndërsa pas dy muajsh, është vërejtur pothuajse largim i plote i depresionit, në të paktën gjysmën e pacientëve që ju nënshtruan.
Por është një medikament, që ka përdorim vetëm spitalor dhe me një kontroll të rreptë nga mjekët në strukturat e posaçme te shëndetit mendor.
Burimi: GAZETA.MK
