Futbollistët e Barcelonës fituan në stadiumin De la Ceramica në javën e gjashtë të La Ligës kundër Villarrealit me rezultatin 5:1, duke ruajtur kështu fillimin perfekt të sezonit të ri.
Megjithatë, fitorja u prish nga një lëndim i rëndë i portierit Marc-Andre ter Stegen.
Në fund të pjesës së parë, portieri gjerman kapi një top të lartë, por pas zbritjes në tokë, u dëgjua një britmë që tmerroi të gjithë tifozët.
Ter Stegen u largua nga fusha me barrelë dhe bëhet fjalë për një dëmtim të rëndë në gju, për të cilin do të mungojë të paktën tetë deri në nëntë muaj, që do të thotë se sezoni i tij ka përfunduar.
Në pjesën e dytë, atë e zëvendësoi Inaki Pena, i cili ka shumë pak përvojë në ligën e parë. Ky është vetëm një nga dëmtimet e shumta që kanë prekur skuadrën e Barcelonës këtë sezon.
Barcelona është ende e para me një përqindje të plotë pikësh dhe ka katër pikë më shumë se Real Madridi që mban vendin e dytë. Në ndeshjen e ardhshme, Barcelona pret Getafen.
Burimi: botasot.info
