Los Angeles Lakers kanë shkarkuar trajnerin Frank Vogel pas një sezoni të dobët dhe humbjes në fazën e play-off-it.
Skuadra e Vogel fitoi 33 nga ndeshjet e tyre, por humbi 49 në një sezon që i pa ata të përfundojnë në vendin e 11-të në Konferencën Perëndimore.
Ndeshja e tij e fundit të dielën ishte një fitore 146-141 ndaj Denver Nuggets.
Rob Pelinka, menaxheri i përgjithshëm i Lakers, me këtë rast tha: “Ky është një vendim tepër i vështirë për t’u marrë, por një që ne mendojmë se është i nevojshëm në këtë pikë.”
Duke folur pas fitores ndaj Denverit, Vogel kishte thënë “Ne do të merremi me këtë çështje nesër”, pasi raportet sugjeruan se ai do të humbiste punën e tij.
Duke konfirmuar lajmin të hënën, Lakers lëshuan një deklaratë përmes së cilës e kanë falënderuar trajnerin e deritanishëm për punën e tij, me 48-vjeçarin që i kishte udhëhequr ata në kampionatin e NBA në vitin 2020.
“Kam një respekt të jashtëzakonshëm për Frank si brenda dhe jashtë fushës”, shtoi Pelinka, i cili është gjithashtu zëvendëspresident i operacioneve të basketbollit të Lakers.
“Frank është një trajner i madh dhe një njeri i mirë. Ne do t’i jemi përgjithmonë mirënjohës për punën e tij në drejtimin e kampionatit 2019-2020 të NBA.”
Aktualisht nuk ka asnjë favorit për të pasuar Vogelin dhe procesi i gjetjes së një trajneri të ri pritet të marrë kohë.
Vogel është i vetmi trajner, përveç Jackson, që ka udhëhequr ekipin drejt një kampionati në 30 vjet.
