Duket se një tjetër çift i famshëm i Hollywood-it po përgatitet të bëjë një hap të madh në marrëdhënien e tyre. Kylie Jenner, ylli i “The Kardashians” dhe një nga sipërmarrëset më të suksesshme të brezit të saj, thuhet se është gati të fejohet me aktorin e njohur Timothée Chalamet.
Sipas një burimi të afërt me çiftin, Kylie – 27 vjeç – ka nisur përgatitjet financiare për të qenë e sigurt para një fejesë të mundshme me Timothée, 29 vjeç.
“Kylie ka dëshirë të martohet me Timothée. Ai është bërë çmimi që ajo duhet ta kapë,” – ka deklaruar burimi, duke lënë të kuptohet se lidhja e tyre është bërë gjithnjë e më serioze.
Megjithatë, siç ndodh shpesh në botën e yjeve, përpara emocioneve romantike vijnë edhe çështjet praktike. Në këtë rast, nëna menaxhere e Kylie-t, Kris Jenner, nuk ka ndërmend të lërë asgjë në dorë të rastësisë. Ajo thuhet se po insiston për një kontratë paramartesore që do të mbrojë pasurinë e vajzës së saj, e cila është shumë afër statusit të miliarderes.
“Ajo duhet të mbrojë llogarinë e saj bankare,” – ka shtuar burimi, duke nënvizuar se edhe pse Timothée ka një pasuri të konsiderueshme për shumicën e njerëzve, ajo nuk i afrohet asaj të Kylie-t. Prandaj, Kris është e vendosur që çdo hap të bëhet me kujdes dhe me një “paramartesë të veshur me hekur”.
Ndërkohë që fansat presin me padurim një unazë fejesë apo ndonjë konfirmim zyrtar, kjo marrëdhënie duket se po ecën drejt një faze të re – më serioze, më publike dhe, si gjithmonë në botën e Kardashianëve, edhe më e mbuluar nga vëmendja mediatike.
Burimi: botasot.info
