Ballkani ka shënuar fitore në udhëtim ndaj Shkupit me rezultat 1:2, në ndeshjen e parë të play-offit të Ligës së Konferencës.
Suharekasit treguan performancë të lartë dhe fituan ndeshjen e parë, çka i afron edhe më shumë drejt kualifikimit në fazën e grupeve.
Përkundër disavantazhit, Ballkani tregoi fytyrën e kampionit dhe arriti të përmbyste rezultatin për të marrë një fitore të madhe në Shkup.
Pas fitores së madhe, ka ardhur edhe reagimi nga klubi suharekas.
“Fituam me rezultat 1 me 2 në udhëtim te Shkupi, në ndeshjen e parë të play-off për Ligën e Konferencës.
Një gol i Albion Rrahmanit dhe një i Meriton Korenicës na bëjnë që pas një jave ta presim Shkupin me epërsi në shtëpi, në lojën kthyese”, ishte reagimi i tyre.
