Kuvendi i Shqipërisë ka miratuar këtë të enjte rezolutën për që dënon sulmin në Veri të Kosovës që ndodhi më 24 shtator. Rezoluta u votua pro nga 101 deputetë, pa asnjë votë kundër dhe një abstenim.
Partia Socialiste dhe ajo pjesë e opozitës që njihet si Rithemelimi bashkuan votat siç rrallë herë ndodh duke nxjerrë një rezolutë të përbashkët që thekson rëndësinë e mbrojtjes së interesave të përbashkëta dhe integritetit territorial të Kosovës, ndërsa parashtrohen tre pika.
Në këto tre pika kërkohet hetim ndërkombëtar për sulmin e 24 shtatorit, si dhe për faktin që qeveria e Kosovës të punojë me aleatët ndërkombëtarë.
Rezoluta:
Në përputhje me angazhimet Kushtetuese të Republikës së Shqipërisë dhe politikën e mbrojtjes së interesave strategjike kombëtare të përbashkëta midis Shqipërisë dhe Kosovës;
Në përkrahje të sovranitetit dhe integritetit territorial të Republikës së Kosovës dhe institucioneve të saj kushtetuese, si dhe të përpjekjeve për mbrojtjen e vlerave demokratike, sigurisë dhe paqes në Kosovë dhe në rajon;
Thellësisht të shqetësuar për situatën e krijuar në Republikën e Kosovës pas sulmit të organizuar ushtarak dhe kriminal të një njësie terroristësh serbë në veri të vendit, më datë 24 shtator 2023;
