6
Shkup, 1 prill – Në vazhdim të seancës së sotme të 38-të, Kuvendi miratoi ligjin për ndryshimin dhe plotësimin e Ligjit për sigurim pensional dhe invalidor. Seanca filloi me një minutë heshtje dhe nderim për viktimat e zjarrit në diskotekën e Koçanit, ku e humbën jetën 59 persona, ndërsa mbi 190 u lënduan.
Me ndryshimet dhe plotësimet e Ligjit për sigurim pensional dhe invalidor shfuqizohet dispozita sistematike e nenit 37 për harmonimin e pensioneve në periudhën nga 1 shtatori 2024 deri më 31 gusht 2025. Gjatë kësaj periudhe pensionet janë rritur në shumën fikse prej 2.500 denarë më 1 shtator 2024 dhe 1 mars të vitit 2025, qëndron në sqarimin e ligjit. Gjithashtu rregullohet një nga kushtet për emërimin e drejtorit, përkatësisht zëvendësdrejtorit të Fondit, që i referohet posedimittë një certifikate, diplome dhe/ose vërtetimi që vërteton njohjen e një prej tre gjuhëve më të përdorura të Bashkimit Europian.
Deputetja e LSDM-së, Jovanka Trençevska, theksoi se ndryshimet në kushtet për emërimin e drejtorit dhe zëvendësdrejtorit të Fondit për sigurim pensional dhe invalidor janë për shkak të mungesës së kuadrove cilësore për atë pozitë që qeveria të vendos, siç tha, poltronë partiakë.
Lidhur me pjesën për harmonizimin e pensioneve, Trençevska theksoi se nga mundësia e barazimit të pensioneve janë të përjashtuar përfituesit e pensioneve të cilët kanë fituar të drejtën e pensionit në vend, por pensioni i të cilëve paguhet në shtetin tjetër.
BURIMI: zhurnal.mk
