Lidhja Demokratike e Kosovës (LDK) po mban sot Kuvendin e Jashtëzakonshëm, një proces që pritet të jetë vendimtar për të ardhmen e subjektit politik dhe udhëheqjen e tij.
Nga gjithsej 355 delegatë, në punimet e Kuvendit po marrin pjesë 328, të cilët do të votojnë për të vendosur nëse Lumir Abdixhiku do të vazhdojë të udhëheqë LDK-në apo do të shkarkohet nga posti i kryetarit.
Procesi i votimit zhvillohet pas kërkesës së një grupi delegatësh për rishikimin e udhëheqjes së partisë, duke e shndërruar këtë Kuvend në një moment kyç për zhvillimet e brendshme të LDK-së.
Rezultati i votimit pritet të përcaktojë drejtimin politik të partisë në periudhën e ardhshme, ndërsa vëmendja është përqendruar te vendimi që do të marrin delegatët për fatin e kryetarit aktual, Lumir Abdixhiku.
Burimi: botasot.info
