Kryeministri i Kosovës, Albin Kurti e ka uruar kryeministri në ardhje të Australisë, Anthony Albanese, i cili si lider i Partisë Laburiste Australiane, do të bëhet kryeministri i ardhshëm i shtetit, pasi që ka arritur ta mposht në zgjedhje konservatorin dhe kryeministrin aktual, Scott Morrison.
Kurti zgjedhjen e liderit laburit australian, e ka konsiduar ndryshim thelbësor në politikën australiane.
“Urime laburistëve australianë dhe Anthony Albanese. Ky ndryshim thelbësor në politikat australiane, është jo vetëm i mirë për popullin e Australisë, por dhe politikat progresive klimatike të laburistëve janë pozitive për botën”, ka shkruar kryeministri Kurti në Tëitter.
Anthony Albanese është bërë i njohjur si mbrojtës i sistemit të kujdesit shëndetësor falas në Australi, një republikan dhe një tifoz i pasionuar i ligës së regbit. 59-vjeçari me nofkën “Albo” është rritur në banesat sociale nga një nënë beqare me pension invaliditeti. Ai shpesh e ka përmendur edukimin e tij si bazë për bindjet e tij progresive.
Fitorja e Albaneses është parë me entuziazëm të madh nga socialdemokratët dhe të majtit që veprojnë në politikë në pjesë të ndryshme të botës.
