Izraeli njofton se ka rihapur pikën kryesore kufitare me Rripin e Gazës – një rrugë kyçe për hyrjen e ndihmave humanitare në territorin e shkatërruar nga lufta – për herë të parë që nga sulmet ajrore ndaj Iranit.
OKB-ja dhe agjencitë e ndihmave kishin paralajmëruar se mbyllja e pikave kufitare kishte shkaktuar mungesë të shpejtë të ushqimeve dhe karburanteve në Gaza.
Paniku i blerjeve bëri që çmimet të rriteshin ndjeshëm në tregjet lokale. Trupi i mbrojtjes izraelite Cogat, i cili kontrollon pikat kufitare, tha se mbyllja e Kerem Shalom ishte për shkak të “kërcënimit me raketa” që rrezikonte punëtorët izraelitë dhe palestinezë. Ai më parë kishte insistuar se furnizimet ekzistuese “do të mjaftonin për një periudhë”.
Burime lokale thanë për BBC-në se kamionët palestinezë me ndihma u nisën drejt Kerem Shalom këtë mëngjes, megjithatë, deri në momentin e raportimit, këta kamionë nuk ishin kthyer, që do të thotë se furnizimi ende nuk ka arritur tek njerëzit në Gaza. Ndërkohë, pika kufitare Rafah me Egjiptin – dalja kryesore për evakuimet mjekësore – mbetet e mbyllur. Cogat tha se ajo “do të rihapet sapo situata e sigurisë ta lejojë”.
Burimi: botasot.info
