Kryetari i Kuvendit, Afrim Gashi ka njoftuar se në kuadër të vizitës së tij zyrtare në Suedi, ka takuar z. Dag Hartelius, Sekretar shtetëror në Ministrinë e Punëve të Jashtme të Suedisë.
“Gjatë këtij takimi, diskutuam për forcimin marrëdhënieve bilaterale mes Republikës së Maqedonisë së Veriut dhe Suedisë, si dhe mundësitë për intensifikimin e bashkëpunimit në fushat e zhvillimit, sigurisë dhe integrimit evropian. Vlerësova mbështetjen e Suedisë për proceset e reformave në vendin tonë dhe theksuam gatishmërinë për vazhdimin e partneritetit në kuadër të politikës evropiane dhe globale”, ka thënë kryetari i Kuvendit, Afrim Gashi.
Burimi: alfax.mk
