“Po e ndihmojmë zhvillimin e sportit në komunën e Butelit si asnjëherë më parë. Sot ndamë 3 milion e 500 mijë denar për klubet e sportit që gravitojnë në komunën tonë”. Kështu ka shkruar në faqen e tij zyrtare në rrjetin social facebook, kryetari i Komunës së Butelit, Darko Kostovski.
Sipas tij ndarja e mjeteve financiare është bërë në mënyrën më transparente të mundshme, me thirrje publike të publikuar në bazë të rregullores.
“Unë sinqerisht shpresoj se këto mjete financiare do të ndihmojnë klubet e sportit dhe do të stimuloj kampionë të rinj shtetëror, ballkanik, europian dhe olimpikë. Sporti është një faktor kyç për zhvillimin e një shoqërie më cilësore dhe më të shëndetshme, ndërsa rezultatet e larta sportive si asgjë tjetër ndihmojnë në ndërtimin e kombit dhe shtetit”, ka shkruar më tej Kostovski.
Kryetari i Komunës së Butelit Darko Kostovski gjithashtu ka informuar se komuna me të cilën ai udhëheq është komuna më sportdashëse në Maqedoni nëse llogariten sukseset e arritura sportive duke mos harruar të përmend se shumë shpejt Buteli do të jetë kampion edhe sa i përket infrastrukturës sportive.
Kostovski është zotuar se ai si kryetar dhe ekipi i tij i komunës së Butelit do të jenë partner të fuqishëm i të gjithë sportistëve dhe klubeve sportive të komunës së Butelit.
