Kryetari i Kuvendit, Afrim Gashi ka marrë opjesë në ngjarjen shkencore të organizuar nga Universiteti MIT, ngjarje kjo që bashkoi ekspertë dhe shkencëtarë nga Universiteti i Oksfordit dhe nga vendi ynë.
Njoftimi i Gashit:
Kisha nderin të merrja pjesë në një ngjarje të rëndësishme shkencore, të organizuar nga Universiteti i MIT, që bashkoi ekspertë dhe shkencëtarë nga Universiteti i Oksfordit dhe nga vendi ynë. Ky event ishte një moment i veçantë për komunitetin akademik, duke ofruar mundësi për forcimin e bashkëpunimit ndërkombëtar dhe shkëmbimin e njohurive dhe përvojave që kontribuojnë në avancimin e shkencës dhe teknologjisë.
E inkurajova thellimin e bashkëpunimit mes institucioneve shkencore përmes ngjarjeve të tilla, që jo vetëm mbështesin zhvillimin e shkencës dhe arsimit, por gjithashtu përforcojnë angazhimin tonë në fushat e shkencës, hulumtimit dhe dijes, të cilat janë thelbësore për progresin dhe avancimin e shoqërisë.
Burimi: alfax.mk
