Kryetari I Kuvendit Afrim Gashi ka uruar kryeministrin e Shqipërisë, Edi Rama, për fitoren në zgjedhjet parlamentare.
“Në emrin tim personal dhe të Kuvendit të Republikës së Maqedonisë së Veriut, përcjell urime të përzemërta Kryeministrit të Republikës së Shqipërisë, z. Edi Rama, për fitoren bindëse të Patisë Socialiste në zgjedhjet e 11 majit.
Ky rezultat është mirënjohje e qytetarëve në vizionin dhe udhëheqjen e tij. Duke ritheksuar miqësinë dhe lidhjet vëllezërore mes dy vendeve tona, uroj që të forcojmë më tej bashkëpunimi ndërinstitucional në funskion të realizimit të aspiratave europiane, në dobi të qytetarëve tanë. Suksese në mandatin tuaj të ri, me bindjen se do të vazhdoni të kontribuoni për stabilitetin, zhvillimin dhe integrimin europian të Shqipërisë dhe rajonit.”, ka shkruar Gashi.
Burimi: alfax.mk
