Kryeministri Edi Rama priti këtë të hënë në zyrën e tij në Kryeministri homologen daneze, Mette Frederiksen.
Kryeministres së Danimarkës i bënë përshtypje pikturat në mur, ndërsa la një shënim kujtim në bllokun e Ramës.
Në takimin që zhvilluan këtë paradite në Tiranë, Frederiksen dhe Rama diskutuan për marrëdhënien midis dy vendeve.
Gjatë konferencës së përbashkët, ata zbuluan planet për të përmirësuar bashkëpunimet midis vendeve për zhvillim. Kriter i cili është prioritet për anëtarësimin e Shqipërisë në Bashkimin Europian.
Frederiksen u shpreh se do të mbështesin Shqipërinë drejt rrugës së integrimit, për anërësimin drejt BE-së. Njëkohësisht tregoi se arkitektura, rindërtimi dhe turizmi janë disa nga fushat kryesore ku do të bashkëpunojnë.
Për sa i përket anëtarësimit në BE, Rama u shpreh se synimi nuk është anëtarësimi i shpejtë por plotësimi i kushteve, për një hyrje dinjitoze. Ndërsa për marrëveshjet midis vendeve janë të hapur për bashkëpunime në fusha të ndryshme.
