Kryeministri japonez Fumio Kishida ka anuluar udhëtimet e planifikuara në Afrikë dhe Lindjen e Mesme pasi rezultoi pozitiv me COVID-19.
Kishida është izoluar meqenëse pati ethe dhe kollën, dhe një test PCR tregoi se ai ishte infektuar me koronavirus, tha Noriyuki Shikata, sekretari i kabinetit për çështjet publike në zyrën e kryeministrit, përcjell Bota sot.
“Kryeministri Kishida është i izoluar brenda rezidencës së tij”, tha Shikata për Associated Press të dielën.
Kryeministri 65-vjeçar ishte planifikuar të kthehej në punë të hënën pasi kishte kaluar javën e fundit me pushime.
Kishida nuk do të marrë pjesë më personalisht në një konferencë mbi zhvillimin e Afrikës më vonë këtë muaj në Tunizi, por do të marrë pjesë në internet. Ai gjithashtu shtyu një turne të ardhshëm në Lindjen e Mesme që ishte planifikuar të përfshinte ndalesa në Kuvajt, Katar dhe Emiratet e Bashkuara Arabe.
Japonia ka përjetuar rritjen e saj më të madhe të rasteve të COVID deri më tani në javët e fundit, megjithëse shumica e popullsisë është vaksinuar.
