Kryeministri i Kosovës, Albin Kurti, ka informuar sot për një zbulim jashtëzakonisht të rëndësishëm, i cili u bë vetëm pak kohë pas fillimit të gërmimeve arkeologjike në Kalanë e Vuçakut në Drenas.
Kurti ka treguar se Kalaja e Vuçakut ishte tipike për kohën e antikitetit të vonë dhe shërbente si sistem mbrojtës për popullatën vendase.
“Një zbulim jashtëzakonisht i rëndësishëm u bë vetëm pak kohë pas fillimit të gërmimeve arkeologjike në Kalanë e Vuçakut në Drenas.
Kalaja e Vuçakut ishte tipike për kohën e antikitetit të vonë dhe shërbente si sistem mbrojtës për popullatën vendase.
Gjatë hulumtimit u gjet Altari romak i cili i takon gjysmës së parë të shek.III, pas Krishtit, i ripërdorur në ndërtimin e kalasë së periudhës së Justinianit (527-565 p. Kr).
Zbulimi formëson edhe më tej historinë, duke dëshmuar vazhdimësinë e jetës në trojet tona nga parahistoria, antika deri në mesjetë”, ka treguar Kurti në Facebook.
Tutje, ai ka falenderuar ekipin e ekspertëve , të përbërë nga arkeologët Shafi Gashi dhe Sali Islami dhe skicografin Arbnor Morina, që sipas tij kanë bërë punë të kujdesshme dhe për këtë kontribut të çmueshëm.
Postimi i plotë: