Kryeministri i Bullgarisë Kiril Petkov mbërriti në Manastir ku do të marrë pjesë në ceremoninë e hapjes së klubit të Qendrës Kulturore “Ivan Mihajlov”. Vizita e kryeministrit Petkov është vizita e parë e një kryeministri bullgar në Manastir.
Para fillimit të manifestimit, Petkov do të bisedojë me përfaqësues të shoqatave bullgare në Maqedoni. Kryeministri bullgar dhe ministrat në Qeveri do të vizitojnë linjën e transmetimit Manastir – Elbasan. Ndërtimi i linjës së transmetimit është realizim i pjesës energjetike të Korridorit 8.
Më herët në Manastir kanë arritur ministrja e Punëve të Jashtme Teodora Gencovska, nënkryetarja e Bullgarisë Iotova dhe deputetja Ekaterina Zaharieva.
