Kryediplomatja gjermane, Annalena Baerbock, deklaroi se Bashkimi Evropian do të sanksionojë presidentin rus, Vladimir Putin dhe ministrin e Jashtëm rus, Sergej Lavrov.
“Ne tani listojmë gjithashtu Presidentin e Republikës z. Putin dhe Ministrin e Punëve të Jashtme z. Lavrov,” u tha Baerbock gazetarëve gjatë rrugës së saj për në Këshillin e Punëve të Jashtme të BE-së në Bruksel, shkruan CNN.
“Ata janë përgjegjës për faktin se në Ukrainë vdesin njerëz të pafajshëm, ata janë përgjegjës për faktin se sistemi ndërkombëtar është nëpërkëmbur dhe ne si evropianë nuk e pranojmë këtë”.
Të enjten, BE njoftoi një sërë sanksionesh kundër Rusisë, për të cilat shefja e Komisionit Evropian Ursula Von der Leyen tha se do të rriste kostot e huamarrjes së Rusisë, do të rriste inflacionin dhe do të “gërryente gradualisht bazën industriale të Rusisë”.
