Kompania Rajonale e Ujësjellësit “Hidrodrini” ka njoftuar të gjithë konsumatorët për ndërrimin e dy pompave të vjetra me pompa të reja në stacionin e pompimit në Radac të Pejës.
Ata nëpërmjet një postimi në Facebook, kanë bërë të ditur se janë instaluar dy pompa të reja, secila me kapacitet 7.5 kË dhe lartësi H=103 m, duke zëvendësuar ato të vjetrat.
“Në stacionin e pompimit në Radac është bërë zëvendësimi i dy pompave, nga të vjetrat në të reja, me nga 7.5kË – lartësi H=103m, investimi do të ndikojë dukshëm në furnizim ku përfitues janë zona e Radacit dhe Jabllanica e Madhe”, kanë shkruar Hidrodrini.
Ky investim pritet të përmirësojë dukshëm furnizimin me ujë për zonën e Radacit dhe Jabllanicën e Madhe pasi keqperdorimet dhe thatësira në burime ka bërë që këto zona të mos kenë ujë të mjaftueshëm për pije.
