Komisioni Rregullativ i Energjetikës sot nuk do të marrë vendim për ndryshimin e çmimeve me pakicë të derivateve të naftës.
Nga KRRE, thonë se nuk ka parakushte për korrigjimin e çmimeve të derivateve të naftës dhe për këtë arsye çmimet mbeten të njëjta. Andaj sot dhe nesër, çmimet aktuale të derivateve të naftës mbeten të vlefshme, gjegjësisht EUROSUPER BS-95 do të vazhdojë të shitet për 86,5 denarë për litër, EUROSUPER BS-98 për 88,5, EURODIZEL BS (DE V) për 88, Djegie ekstra lehtë nafta (EL-1) për 83,5 denarë për litër, dhe mazut M-1 NS për 60,914 denarë për kilogram.
Me ndryshimet e fundit në rregulloren për përcaktimin e çmimeve me pakicë të derivateve të naftës, KRRE çdo ditë mund të marrë vendime për ndryshimin e çmimeve të derivateve të naftës nëse llogaritja për çmimin e çdo derivati të naftës rritet ose ulet për dy denarë.
