Kroacia ka blerë 12 avionë “Rafale”, ndërsa gjashtë prej tyre tashmë i ka pranuar.
Esat Çollaku, epror i lartë ushtarak në ushtrinë kroate dhe në ish-Ushtrinë Çlirimtare të Kosovës, vlerëson se shteti kroat e ka bërë përzgjedhjen më të mirë të aeroplanëve dhe se me këtë ka bërë një siguri të lartë për të ardhmen e shtetit dhe popullit të vetë.
“Ky është një mesazh i qartë, sidomos për komshiun këtu rreth e përqark, e tregon se Kroacia e ka me të vërtetë me një intensitet shumë të madh për ta mbrojtur integritetin dhe shtetin e vet, sepse ndikimi i Rusisë, sidomos përmes Serbisë në Ballkan dhe në Evropë është duke u shtuar. Megjithatë, ky është mesazh i qartë për Serbinë dhe për të gjithë ata që mendojnë ndryshe ose që mendojnë ta prishin paqen në Ballkan, që nuk do të guxojnë të marrin hapa të tillë”.
“Kroacia dërgon një mesazh sepse është edhe pjesëtare e NATO-s. Këtu përfiton edhe Kosova, sepse mesazhi që i dërgohet Vuçiqit – nëse e marrim në politikën e gjerë, i dërgohet që këta nuk e kanë për shaka dhe e kanë me seriozitetin më të madh që nesh i bie ndërmend Serbisë sikur kur ka ndodhur në vitet ’90-ta, do të hasin në probleme të mëdha”, deklaroi Çollaku për emisionin Info Magazine.
