Dy persona janë vrarë në Poloni pasi një raketë goditi një fshat pranë kufirit me Ukrainën.
Presidenti amerikan, Joe Biden, tha se nuk ka gjasa që raketa të jetë lëshuar nga Rusia.
Agjencia e lajmeve AP citon zyrtarë të paidentifikuar amerikanë të kenë thënë se raketa mund të ishte lëshuar nga Ukraina teksa u përpoq të rrëzonte raketat ruse, shkruan BBC.
Moska mohoi me forcë çdo përgjegjësi për shpërthimin.
Takimi i Rishi Sunak me Xi Jinping është anuluar, me zyrtarë të Mbretërisë së Bashkuar që thanë se kjo ishte për shkak të ndryshimit të orarit të liderëve në përgjigje të ngjarjeve në Poloni.
Takimi i liderëve të G20 në Bali kanë lëshuar deklaratën e tyre përfundimtare, e cila thotë se “shumica e anëtarëve” dënojnë ashpër luftën e Rusisë në Ukrainë. Rusia është anëtare e G20.
