Deputetja e PD, Serina Koti , në një intervistë për Ora News, u shpreh se legalizimi i kanabisit në vendin tonë është mashtrimi i radhës i qeverisa për të tërhequr vëmendjen nga kriza e rritjes së çmimeve.
Koti tha se Rama po u ofron shqiptarëve që tokat që kanë ngelur djerrë, të mbillen me kanabis dhe jo me produkte bujqësore.
Serina Koti: Kjo është përdorur si mashtrim i radhës duke justifikuar statistikat të cilat janë nxjerrë nga raporti sepse këtu në Shqipëri kjo është fatkeqësia jonë, që ne luajmë me shifrat dhe me vërtetësinë e tyre.
Duke pasur të gjithë këto të panjohura, jam e bindur se ky është mashtrimi dhe fasada e radhës që Rama po iu ofron shqiptarëve për t’u tërhequr vëmendjen nga shumë probleme të tjera reale që kanë, siç është rritja e çmimeve. Ne jemi një vend bujqësor industrial ku tokat e shqiptarëve kanë mbetur të pambjella për shkak të rritjes së lëndëve të para dhe tashmë Rama po u ofron shqiptarëve që këto toka të mbillen me kanabis dhe jo të kthehen me produkte bujqësore të cilat do të rrisin ekonominë vendase, dhe do të plotësojnë nevojat për ushqim.
