Komuna e Butelit ka nisur aktivitetet për rikonstruksionin e një pjese të rrugës “Kosturska”, hapësirës së parkingut dhe shtigjeve për këmbësorë në lagjen Shkup Veri.
Kryetari i Komunës së Butelit, Darko Kostovski, njoftoi se në kuadër të projektit, për herë të parë do të ndërtohet edhe trotuar, i cili, sipas tij, do të rrisë sigurinë dhe do të mundësojë lëvizje më të lehtë dhe të pandërprerë të qytetarëve.
“Komuna e Butelit investon 65 milionë denarë për rinovimin dhe përmirësimin e infrastrukturës rrugore në Shkup Veri”, thuhet në njoftimin e Kostovskit.
Nga Komuna theksojnë se realizimi i projekteve të mëdha infrastrukturore është pjesë e përmbushjes së premtimeve parazgjedhore të kryetarit Kostovski, me synimin për zhvillim të barabartë dhe të balancuar të të gjitha vendbanimeve në territorin e Butelit.
