Helena Christensen ka tërhequr vëmendjen me fotografitë e saj të fundit në Instagram, ku supermodelja 57-vjeçare u shfaq me të brendshme të zeza me dantella.
Në disa selfie të realizuara në dhomën e gjumit, Helena pozoi në shtrat, ndërsa në një tjetër fotografi u shfaq me një fustan nate të zi prej mëndafshi, me pjesë transparente dhe detaje me dantella me motive lulesh.
Postimi u bë në kuadër të festimeve për 25-vjetorin e një prej markave të saj të preferuara, shkruan DailyMail.
Helena tregoi se kishte marrë pjesë në një festë të organizuar gjatë Javës së Modës në Londër, duke e përshkruar mbrëmjen si argëtuese dhe të veçantë.
Fansat reaguan menjëherë në komentet e postimit, duke e cilësuar modelen si një nga gratë më të bukura në botë dhe duke e komplimentuar për paraqitjen e saj.
Karriera e Christensen nisi pasi ajo fitoi titullin Miss Universe Danimarka në vitin 1986. Ajo u bë e njohur edhe pas paraqitjes në videoklipin “Wicked Game” të Chris Isaak dhe më vonë ishte një nga modelet e para të Victoria’s Secret.
Në jetën private, ajo ka pasur lidhje me Michael Hutchence, Norman Reedus dhe Paul Banks, ndërsa me Reedus ka djalin e saj, Mingus Lucien Reedus.
Burimi: botasot.info
