Kryetari i Komunës së Butelit, Darko Kostovski, ka njoftuar se po vazhdojnë me ritëm të shkëlqyer punimet për ndërtimin e qendrës së re sportive dhe rekreative në vendbanimin Kuçevishka Bara.
Kompleksi i ri sportiv do të shtrihet në një sipërfaqe prej 2.000 metrash katrorë dhe do të përfshijë një fushë futbolli me bar artificial të cilësisë së lartë, kënd lojërash për fëmijë, një kënd pushimi, ulëse të reja, park si dhe sipërfaqe të gjelbra.
Sipas Kostovskit, investimi është pjesë e përkushtimit të Komunës së Butelit për të krijuar kushte më të mira për sport, rekreacion dhe aktivitete në natyrë për qytetarët e të gjitha moshave.
“Komuna e Butelit po ndryshon. Fryma e lagjes ruhet dhe kultivohet, ndërsa pushteti lokal investon dhe krijon mundësi për praktikimin e rregullt të sportit nga të gjithë qytetarët”, theksoi Kostovski.
