Kryetari i Komunës së Butelit, Darko Kostovski, njoftoi se punimet për ndërtimin e ujësjellësit në fshatrat Luboten dhe Lubancë po zhvillohen me ritëm të përshpejtuar, duke e cilësuar projektin si një ndër më të rëndësishmit për banorët e kësaj zone.
Kostovski thotë se bëhet fjalë për një problem shumëvjeçar, pasi këto dy fshatra për dekada të tëra nuk kanë pasur ujë të pijshëm. Kostovski theksoi se projekti, i cili dikur konsiderohej i pazgjidhshëm, tashmë është bërë realitet dhe po zbatohet në terren.
“Ky nuk është projekt politik, por çështje jetike për qytetarët. Fshatrat Luboten dhe Lubancë për dekada nuk kanë pasur ujë të pijshëm. Bëhet fjalë për një problem për të cilin shumëkush mendonte se nuk ka zgjidhje. Por sot ky projekt është realitet dhe po ndërtohet. Nga gjithsej tre faza, aktualisht ndodhemi në zbatimin e fazës së dytë. Nuk bëhet fjalë për politikë, por për jetë dhe sinqerisht kam kënaqësi personale që po e zgjidhim këtë problem. Me këtë rast, dëshiroj të falënderoj përzemërsisht kryeministrin Hristijan Mickoski që gjeti mënyrë që të sigurohen mjetet për ta tejkaluar këtë problem.
Sipas Kostovskit, pas përfundimit të punimeve, banorët e Lubotenit dhe Lubancës do të kenë furnizim të qëndrueshëm me ujë të pijshëm, duke përmirësuar ndjeshëm kushtet e jetesës në këtë zonë.
