Kryetari i Komunës së Butelit, Darko Kostovski, vazhdon aktivitetet për përmirësimin e infrastrukturës rrugore, duke dëshmuar përkushtimin për përmbushjen e premtimeve të dhëna qytetarëve.
Pas dekadash pritjeje, sot ka nisur asfaltimi i rrugës “Betovenova”, një projekt me rëndësi të veçantë për banorët e kësaj lagjeje. Asfaltimi po realizohet në një sipërfaqe prej 4.000 metrash katrorë, me gjatësi prej 400 metrash.
“S’ka ndalesë kur është në pyetje e mira dhe nevojat e qytetarëve të Butelit. Kemi marrë besimin e tyre dhe jemi të vendosur ta justifikojmë plotësisht atë,” ka shkruar në faqen e tij zyrtare në facebook Kostovski.
Sipas Kostovskit ky investim është edhe një dëshmi konkrete për realizimin e premtimeve dhe një hap i rëndësishëm drejt modernizimit të infrastrukturës rrugore në Komunën e Butelit.
Gjithashtu nga komuna e Butelit njoftojnë se ofensiva ndërtimore po vazhdon me një dinamikë të fuqishme dhe do të pasohen edhe projekte të tjera në të gjitha lagjet e komunës.
