Komuna e Butelit ka nisur një aksion të madh për pastrimin dhe mirëmbajtjen e rrjetit të kanalizimit atmosferik dhe fekal në territorin e komunës.
Kryetari i Komunës së Butelit, Darko Kostovski, dhe drejtori i NP „Ujësjellësi dhe Kanalizimet – Shkup“, Ivan Mitrovski, inspektuan nga afër aktivitetet e përbashkëta të komunës dhe ndërmarrjes publike për pastrimin dhe mirëmbajtjen e rrjetit të kanalizimit.
Nga Komuna e Butelit njoftojnë se pastrimi i rregullt dhe i detajuar i rrjetit do të vazhdojë edhe në ditët në vijim, duke përfshirë të gjitha vendbanimet në territorin e komunës.
Sipas Kostovskit, qëllimi i aksionit është mirëmbajtja në kohë e rrjetit publik të kanalizimit, përmirësimi i funksionimit të sistemit dhe parandalimi i bllokimeve, duke kontribuar në krijimin e një mjedisi më të pastër dhe më të shëndetshëm për të gjithë qytetarët.
