Kryetari i Komunës së Butelit, Darko Kostovski, ka inspektuar sot nga afër punimet ndërtimore për rikonstruksionin e rrugëve në lagjen Radishan, duke konfirmuar vazhdimin e investimeve në infrastrukturën rrugore.

Sipas Kostovskit aktivitetet po zhvillohen me dinamikë të shtuar, ndërsa projekti përfshin rikonstruksion dhe asfaltim të rreth 70 rrugëve, me një vlerë totale prej 150 milion denarësh. Këto investimet kanë për qëllim përmirësimin e lëvizjes dhe rritjen e sigurisë për qytetarët, duke mbetur të përkushtuar në zhvillimin e barabartë të të gjitha vendbanimeve në territorin e komunës.

Sipas kryetarit të Butelit, Darko Kosttovski, banorët e Butelit pritet të ndjejnë drejtpërdrejt përfitimet nga këto punime, pasi rrugët e reja nënkuptojnë lëvizje më të lehtë, më pak dëmtime të automjeteve dhe një standard më të lartë jetese.

Projekte të tilla infrastrukturore, sipas autoriteteve komunale, janë vetëm një pjesë e planit më të gjerë për modernizimin e komunës, duke lënë të hapur pritshmërinë për investime të reja që synojnë ta transformojnë Butelin në një zonë edhe më funksionale dhe më tërheqëse për banorët.