Kosova U19 mposhtet në përballjen e parë të Kampionatit Ballkanik, pavarësisht paraqitjes së mirë!
Kombëtarja U19 e Kosovës, femrat, ka zhvilluar ndeshjen e parë në kuadër të Kampionatit Ballkanik në Mioveni kundër nikoqirit, Rumanisë, në Grupin A.
Vashat ‘Dardane’ treguan paraqitje impresive në setin e parë, të cilin arritën ta fitojnë me rezultat 25-22, por eventualisht u desh të pajtohen me disfatë, derisa u mposhtën në setet pasuese me rezultat 25-16, 25-22 dhe 25-11.
Ndeshjen e radhës Kosova e zhvillon kundër Turqisë, të enjten me fillim nga ora 14:00.
