Nga 15 punëtorët e Kopshtit Zoologjik të Shkupit, të cilët janë nën mbikëqyrje shëndetësore pas një ankete epidemiologjike, nesër do të merren vendime për monitorimin e gjendjes së tyre shëndetësore.
Një nga punonjësit, i cili shfaqi simptoma të temperaturës së lartë dhe diarre, do të testohet për gripin e shpendëve. Drejtoresha e Institutit për Shëndet Publik, Marija Andonovska, njoftoi se mbikëqyrja shëndetësore do të zgjasë për dy javë dhe do të përfshijë monitorimin ditor të simptomave nga epidemiologët. Ajo theksoi se nuk ka rrezik për vizitorët e kopshtit zoologjik, për sa kohë ata nuk kanë pasur kontakt të drejtpërdrejtë me zogjtë e infektuar.
– Mbikëqyrja shëndetësore sipas protokolleve nuk nënkupton karantinë dhe izolim, por monitorim mjekësor gjatë dy javëve të ardhshme nëse shfaqin ndonjë simptomë që duhet të hetohet më tej nëse bëhet fjalë për grip të shpendëve. Ata do të kontaktohen çdo ditë nga epidemiologët e Iinstitutit për shëndet publik dhe do të monitorohet gjendja e tyre shëndetësore. Ai person do të testohet nesër, sepse rekomandimet e epidemiologëve dhe mikrobiologëve janë që pas shfaqjes së simptomave të para në afat prej pesë ditësh të bëhet testimi, sqaroi Andonovska. /tvklan.mk/
Burimi: TV KLAN
