Në të gjitha komunat më të mëdha veç më po behën kontrolle të detajuara të objekteve, duke përfshirë, dokumentacionin e objekteve dhe respektimin e të gjithë standardeve të sigurisë. Sipas kryetarit të BNJVL-së, Orce Georgievski, kontrollohet gjithçka, duke përfshirë, nëse objektet kanë pajisjet e duhura për shuarjen e zjarrit dhe hidrantë funksionalë, kontrollohet nëse instilacionet elektrike janë të sigurta dhe të mirëmbajtura, a ka plan evakuimi dhe shtigje të shënuara, dhe se a i posedojnë të gjitha dokumentet përkatëse dhe elaborate sigurie. Sipas Georgievskit, të gjitha komunat në koordinim me BNJVL-në kanë filluar aksione kontrolli të jashtëzakonshme në të gjitha objektet publike.
“Në komunat më të mëdha veç më behën kontrolle të detajuara të objekteve, dokumentacionin e tyre, dhe respektimin e të gjithë standardeve të sigurisë. Kontrollohet gjithçka sepse nuk duhet të lëshohet asgjë, kontrollohet nëse objektet kanë pajisjet e duhura të shuarjes së zjarrit dhe hidrantë funksional kundër zjarrit, kontrollohet nëse instilacionet elektrike janë të sigurta dhe të mirëmbajtura, a ka plan evakuimi dhe shtigje të shënuara, dhe se a i posedojnë të gjitha dokumentet përkatëse dhe elaborate sigurie. E bëjmë të qartë, do të ketë zero tolerancë për parregullsitë eventuale, nëse inspektorët shohin se diku ka mangësi apo nuk respektohen standardet e shkruara, do të merren masa vendimtare sipas kompetencave të vetëqeverisjes lokale, ajo do të thotë që objektet që nuk janë të sigurt do të marrin urdhër për largimin urgjent të mangësive dhe nëse duhet edhe do të mbyllen përkohësisht nëse këto mangësi nuk rregullohen. Nuk do të lejojmë që neglizhenca apo papërgjegjësia të vazhdojnë të rrezikojnë qytetarët tanë, ligjet duhet të vlejnë për të gjithë njësoj dhe të gjithë që i kanë shkelur do të ballafaqohet me pasojat”, tha Orce Georgievski – kryetar i BNJVL-së.
Burimi: lajme24.mk
