Të shtëna me armë zjarri janë regjistruar mbrëmjen e së enjtes në Thumanë, ku tre persona kanë mbetur të plagosur. Gazetari i ABC News, Ervin Leka raporton se dy persona janë përshirë në një konflikt pronësie.
Sipas informacioneve të para, një efektiv policie, Sahit Ahmetaj (Sela), është konfliktuar me kushëririn e tij Adrian Sela dhe ka përdorur armën e shërbimit. Edhe Sela ka përdorur armë, duke plagosur policin.
Si pasojë të dy shtetasit janë dëmtuar dhe ndodhen në spital, nën kujdesin e mjekëve.
Ndërkaq në spital është paraqitur dhe një person, Fatos Sela, i cili dyshohet se është plagosur me armë zjarri gjatë konfliktit.
Grupi hetimor po punon për sqarimin e rrethanave të ngjarjes.
“Bëhet fjalë për një sherr të ndodhur rreth orës 22:00 ku në afërsi të një fabrike çimentoje në Mamurras, gjatë një konflikti për motive pronësie, janë plagosur me armë zjarri Sait Ahmetaj, një efektiv policie, gjatë konfliktit ka qenë jashtë shërbimit. I plagosur ka mbetur edhe ASrdian Sela, kushëri i Sait Ahmetaj. Ky i fundit ka përdorur armë zjarri, ku ka mbetur i plagosur polici. I plagosur nga të shtënat ka mbetur edhe Fatos Sela, është paraqitur për ndihmë në spitalin e Laçit”, raportoi gazetari Leka.
