Nga Drejtoria e Doganave në Maqedoninë e Veriut njoftojnë se në Aeroportin e Shkupit janë konfiskuar 5 kilogramë stoli argjendi dhe bizhuteri. Nga Doganat thonë se shtetasit e huaj nuk e kanë paraqitur sasinë e stolive, me çka kanë thyer rregulloren e Doganës.
“Në një rast bëhet fjalë për rreth katër kilogramë stoli argjendi dhe bizhuteri, që është konfiskuar nga një shtetas britanik, përndryshe pronar i argjendarisë, i cili ka tentuar t’i nxjerrë jashtë stolitë, pa i deklaruar te doganierët mallrat me karakter tregtar. Bizhuteritë u zbuluan gjatë kontrollit të bagazheve të dorës dhe bagazheve shtesë që u gjetën nga doganierët gjatë kontrollit të kartës së pasagjerit. Në rastin e dytë, kur ka hyrë në vend, pas kontrollit të pasagjerit, përndryshe një shtetas turk që udhëtonte nga Stambolli, janë konfiskuar 123 copë bizhuteri argjendi”, theksojnë nga Doganat.
