Komuna e Prishtinës lidhur me kërkesën e Lëvizjes Vetëvendosje në Prishtinë drejtuar Policisë së Kosovës për hetim të komunës për një aktivitet të dyshimtë ekonomik, që përfshin edhe keqpërdorimin e parasë publike, gjegjësisht, për licencimin e operatorëve ekonomik për organizimin e transportit taxi të udhëtarëve me vetura elektrike, ka njoftuar se vendimi në fjalë është marrë pak para ardhjes së administratës së re qeverisëse.
Qeverisja e re lokale menjëherë ka kërkuar auditim të jashtëzakonshëm lidhur me rastin në fjalë dhe është në pritje të rezultateve të auditimit.
Kështu thuhet në reagimin e Komunës së Prishtinës.
Komuna thotë se sa i përket organeve të hetuesisë, janë të hapur ndaj çdo kërkese që organet e rendit mund të kenë.
