Qeveria e Republikës së Kosovës, përmes Agjencisë Kadastrale të Kosovës, do të fillojë Rindërtimin e Kadastrit në zonat kadastrale: Breznicë, Kryshevc dhe Obiliq.
Qëllimi i projektit: Harmonizimi i gjendjes faktike në terren me të dhënat në Kadastër.
Komuna e Obiliqit njofton se përfitimet kryesore të projektit janë: Zyrtarizimi i të drejtave pronësore jo kontestuese (p.sh. rastet e trashëgimive), Zyrtarizimi i marrëveshjeve gojore të shitblerjeve,
Realizimi i matjeve gjeodezike dhe përgatitja e dosjeve për procesin e legalizimit.
Tutje, thuhet se faza e parë përfshin takimet informuese me banorët e zonave përkatëse, ku do të njoftoheni për: Planin dhe dinamikën e rindërtimit; Rëndësinë e projektit; Detyrat dhe përgjegjësitë e institucioneve përkatëse (AKK, Zyra Kadastrale Komunale dhe Komuna); Të drejtat dhe obligimet e banorëve në këtë proces.
Po ashtu, bëhet e ditur se të gjitha aktivitetet në kuadër të këtij projekti do të realizohen pa pagesë.
Burimi: botasot.info
