ATS Group prezantoi sërish produktet e saja këtë vit në IDEH 2023 në Abu Dhabi, Emiratet e Bashkuara Arabe (OAE). IDEZ është panairi më i madh i industrisë së mbrojtjes në Lindjen e Mesme. Bienalja e ekspozitës IDEX, e cila mbahet prej 30 vitesh organizohet nën kujdesin e Sheikh Mohammed Bin Zayed Al Nahyan, Presidentit të Emirateve të Bashkuara Arabe dhe Komandantit Suprem të Forcave të Armatosura të Emirateve të Bashkuara Arabe. Aktiviteti organizohet me mbështetjen e plotë të Ministrisë së Mbrojtjes.
ATS GROUP, përveç prezantimit të produkteve dhe pajisjeve të saj me famë botërore në fushën e balistikës, sivjet gjatë panairit ka prezantuar edhe fusha të tjera në të cilat operon dhe në të cilat konkurron me prodhuesit më të mëdhenj botërorë.
ATS GROUP prezantoi ekspertizën më të lartë inxhinierike, makineritë dhe mjetet për prodhimin e municioneve, duke tërhequr vëmendjen e vizitorëve në këtë panair të njohur, ku ekspozojnë prodhuesit më të mëdhenj botërorë në terren.
Këtë vit në panair marrin pjesë më shumë se 1350 ekspozues dhe priten mbi 130.000 vizitorë. Panairi i famshëm u mundëson prodhuesve botërorë të prezantojnë aktivitetet e tyre, me qëllim rritjen e ndërgjegjësimit për rëndësinë e sigurisë dhe mbrojtjes së përbashkët dhe personale.
ATS GROUP me seli në Shkup është një korporatë nga Republika e Maqedonisë së Veriut që menaxhon tre fabrika, dy prej të cilave janë në Shkup, në lagjen Vizbeg dhe një në Samokov me më shumë se 500 të punësuar. Të gjitha fabrikat punojnë sipas standardeve më të larta dhe prodhojnë një gamë të madhe produktesh, cilësia e të cilave njihet në mbarë botën dhe për të cilat kanë marrë çmime të shumta.
ATS Group është e angazhuar në prodhimin e produkteve të destinuara për pajisjet e ushtrisë dhe policisë në fushën e mbrojtjes balistike dhe sigurisë balistike. Përveç kësaj, kompania prodhon edhe municione dhe linja të plota të makinerive të prodhimit të municionit, kështu që vit pas viti rrit vazhdimisht potencialin e saj eksportues dhe në këtë mënyrë realizon planin e saj zhvillimor dhe misionin e saj. Ekipi i ATS GROUP do të organizoj një mikpritje të ngrohtë për vizitorët e IDEX në Abu Dhabi në stendën 11-C09 prej 120 m2.
