Me katër vota “për” dhe gjashtë “kundër”, Komisioni parlamentar për zgjedhje dhe emërime nuk e miratoi propozimin që Todor Vitlarov të zgjidhet anëtar në Gjykatën Kushtetuese.
Komisioni sot vazhdoi debatin për zgjedhjen e gjyqtarëve të Gjykatës Kushtetuese të Republikës së Maqedonisë së Veriut.
Deputetët deri më tani kanë përkrahur kandidaturën e gjyqtarit civil në Gjykatën e Apelit në Shkup, Fatmir Skender, kandidates Tatjana Vasiq Bozaxhieva, e cila punon në Ministrinë e Drejtësisë si këshilltare shtetërore për legjislacion civil.
Tatjana Vasiq Bozaxhieva, Fatmir Skender dhe prokurori publik, janë propozuar nga partitë në pushtet.
Nga gjashtë kandidatët e propozuar nga VMRO-DPMNE, deri më tani, përveç Vitlarovit, është refuzuar edhe kandidatura e profesoreshës universitare Rodna Zhivkovska.
Propozimet e opozitës janë profesori universitar Savo Klimovski, gjyqtari në pension Branko Sekulovski, gjyqtarja e Gjykatës Administrative, Vesna Jovanovska dhe Vojisllav Dimovski, prokuror publik nga Prokuroria Themelore Publike në Ohër.
Seanca e sotme e 13-të e Komisionit për Zgjedhje dhe Emërime vazhdoi me debatin për kandidatët e tjerë, përkatësisht gjyqtarin në pension Branko Sekulovski.
