Komandanti i Flotës ruse të Detit të Zi, Viktor Sokolov u shfaq në televizionin rus të martën, një ditë pasi Ukraina pretendoi se e kishte vrarë në sulmet ajrore në shtabin e marinës në qytetin port të Krimesë, Sevastopol, raporton Anadolu.
Ministria ruse e Mbrojtjes publikoi një video, e cila u transmetua nga disa kanale televizive, ku tregon Sokolovin duke marrë pjesë në një takim të shefave ushtarakë në Moskë.
Sokolov dukej i zbehtë dhe ishte ulur duke mos lëvizur, gjë që mund të jetë për shkak të ndonjë plagosje të mundshme.
Forcat e Operacionit Special të Ukrainës thanë se forcat e saj vranë 34 oficerë rusë, përfshirë edhe admiralin e lartë. Rreth 105 persona u plagosën në sulmet, të cilat shkatërruan shtabin e marinës.