Kaosi që shpërtheu pas ndeshjes së parë çerekfinale të “Conference League” mes Bodo dhe Roma vazhdon të diskutohet. UEFA ka refuzuar ankesën e klubit norvegjez në lidhje me skualifikimin e përkohshëm të trajnerit Knutsen.
Ky i fundit është i akuzuar nga Roma se ka sulmuar trajnerin e portierëve verdhekuq, Nuno Santos, i skualifikuar gjithashtu, në pritje të mbylljes së hetimit etik dhe disiplinor.
Ndërkohë, “Independent” ka publikuar një video nga momentet e nxehta në tunelin e dhomave të zhveshjes, ku shihet nga dera e xhamit shpërthimi i sherrit mes të dyve.
Knutsen pretendon se Santos tentoi ta mbyste, duke u vënë duart në fyt; ndërsa trajneri i portierëve raportoi për një grusht në fytyrë nga trajneri kundërshtar. UEFA po shikon të gjitha videot dhe po punon për një vendim përfundimtar.
