Mjekët amë të mjekësisë së përgjithshme, gjinekologët dhe stomatologët do të kenë të ardhura më të mëdha, në pajtueshmëri me rritjen e kapitacionit. Me vendim të autoriteteve, vlera e kapitacionit për mjekët e përgjithshëm dhe gjinekologët rritet nga 75 në 100 denarë, ndërsa për stomatologët nga 61 në 75 denarë. Sipas autoriteteve shëndetësore, kjo do të nënkuptojë paga më të larta dhe mjekë më të motivuar.
“Për rikujtim më shumë se 20 vite është vënë kjo mënyrë e financimit dhe niveli fillestar i kapitacionit për mjekësinë e përgjithshme ishte 45 denarë. Duket përparim i madh megjithatë 20 vite distancë…Kjo rritje duhet të sigurojë dy punë, e para të ndalohet rënia, trendi i uljes, e dyta të përgatitemi për përmirësime të nevojshme për shëndetësi primare efektive”, deklaroi Sasho Klekovski, Drejtori i Fondit të Sigurimit Shëndetësorë.
Burimi: alfax.mk
