Një yll nga reality show amerikan ka folur për herë të parë për lidhjen e saj njëmujore me Princin Harry, kur ai ishte vetëm 21 vjeç dhe ajo ishte 34-vjeçare, nënë e dy fëmijëve.
Emri i saj është Catherine Ommanney.
Pavarësisht diferencës së moshës 13-vjeçare, ajo pati “kohën më të mirë të jetës” në 2006-ën me princin, i cili i dha asaj puthjen më pasionante që ka pasur ndonjëherë.
E divorcuar, tani 51 vjeç, tha për The Sun se ata silleshin si adoleshentë dhe putheshin me pasion gjatë takimeve dhe madje pozuan për një foto në një vaskë së bashku.
Ajo pretendon se Harry ëndërronte të bënte një jetë të zakonshme.
Catherine mendoi të fliste tani, pasi mësoi se Harry, po shkruan për ish-të dashurat në librin e tij të ri.
Ajo tha për The Sun: “Unë dyshoj se do të jem në librin e Harry-t pasi një princ nuk mund të shkoj me një nënë 34-vjeçare të dy fëmijëve, thjesht nuk është gjë që ia vlen të tregohet”.
Catherine, e cila dikur mori pjesë në shfaqjen televizive The Real Housewives of DC, u nda nga ish-bashkëshorti Stephen kur ajo dhe Harry u takuan në Art Bar në Chelsea të Londrës në maj 2006.
“Jam e sigurt se do të takohemi përsëri, sepse bota është një vend i vogël.
“Shpresoj që ai të jetë i lumtur dhe të ketë gjetur pak liri më në fund, sepse kjo është diçka që ai e kërkonte me dëshpërim atëherë.
Shpresoj që Meghan të kujdeset për të dhe nuk i uroj asgjë tjetër përveç lumturisë dhe suksesit, sepse ai është një qenie njerëzore shumë e guximshme, karizmatike, inteligjente dhe e dashur.”
