Presidenti rus, Vladimir Putin ka lëshuar tashmë një paralajmërim drithërues për liderët perëndimorë që të mos përzihen në fushatën e tij ushtarake kundër Kievit. Në një fjalim televiziv për të shpallur vendimin e tij për të pushtuar Ukrainën, Putin u tha udhëheqësve perëndimorë se çdo përpjekje për të “na penguar” do të çonte në “pasoja që nuk i keni parë kurrë në histori”. Shumë analistë e morën këtë për të nënkuptuar se Kremlini nuk do të hezitonte të vendoste arsenalin e tij bërthamor, raporton express.co.uk, përcjell “Bota sot”.
Megjithatë, Rusia ka armë të tjera të frikshme që mund t’i përdorë kundër NATO-s në çdo konflikt të mundshëm.
Marina ruse posedon një klasë të nëndetëseve sulmuese me naftë që janë praktikisht “të padukshme” për armiqtë e saj.
E ashtuquajtura nëndetëse Kronstadt është aq e heshtur sa është në gjendje të shmangë sistemet sonare të armikut dhe t’u afrohet tinëzisht objektivave të saj.
Të nisura për herë të parë në vitin 2018, nëndetëset Lada janë projektuar për të luftuar nëndetëset dhe anijet sipërfaqësore të armikut, për të mbrojtur bazat detare, komunikimet në bregun detar, si dhe për të nisur një sulm me raketa mbi objektivat bregdetare të armikut.
Nëndetësja ruse – Lada
Një tipar i veçantë i sistemit të saj të armëve është aftësia për të gjuajtur raketa në breshëri, për të cilat Rusia krenohet se nuk mund të kundërshtohen nga objektiva të tjera
CEO i Admiralty Shipyards, Alexander Buzakov tha në kohën e zbulimit të saj:
“Rëndësia e kësaj ngjarje është e vështirë të mbivlerësohet. Nëndetësja filloi të ndërtohet në vitin 2005. Ka pasur disa pauza në ndërtim dhe financim, por më në fund ka ardhur dita e nisjes. Nga të gjitha parametrat, kjo nëndetëse tejkalon paraardhësen e saj”.
Nëndetëses i nevojitet vetëm një ekuipazh prej 38 personash për të operuar.
Aja është e pajisur me sonar të avancuar dhe sistemin e automatizuar të kontrollit luftarak, i njohur si “Litiy”.
Nëndetësja mund të akomodojë gjashtë tuba silurues dhe thuhet se përmban silo të specializuara vertikale të raketave për raketa lundrimi kundër anijeve dhe sulmeve tokësore.
Sipas të dhënave nga Instituti Ndërkombëtar për Studime Strategjike (IISS), SHBA posedon gjithsej 68 nëndetëse krahasuar me 49 të Rusisë.
Uashingtoni mund të mburret me 14 nëndetëse të armatosura me raketa balistike strategjike me energji bërthamore, ndërsa Moska mund të pretendojë vetëm për 11.
Javën e kaluar, Donald Trump tha se ishte koha për t’u ashpërsuar me Vladimir Putin dhe për të lëshuar nëndetëset bërthamore të Amerikës ndaj Rusisë.
Ish-presidenti amerikan i kujtoi gjithashtu liderit rus se SHBA ishte “fuqia më e madhe bërthamore në botë”.
