Policia e Shkodrës ka arrestuar një 51-vjeçar me inicialet I.A., pasi është konstatuar se kishte një laborator dentar pa licensë për ushtrimin e profesionit dhe pa kasë fiskale.
Gjatë kontrollit të biznesit të 51-vjeçarit, blutë e Shkodrës kanë gjetur të punësuar dy persona, njëri prej tyre shtetas turk, i paregjistruar.
“Nga kontrolli rezultoi se ky shtetas ushtronte këtë aktivitet i pa pajisur me licensë për ushtrimin e profesionit, dhe pa kasë fiskale.
Në këtë laborator u gjetën dhe sekuestruan në cilësinë e provës materiale sasi e konsiderueshme mallrash të markave të ndryshme dentare, të dyshuara kontrabandë. Gjithashtu u konstatuan në proces pune edhe dy shtetas (njëri prej tyre shtetas turk), të cilët ishin të paregjistruar në organet përkatëse”, thuhet në njofimin e policisë.
